Izjave poslije utakmice Mornar – Krka 80:61
Trener Mornara Mihailo Pavićević:
“Čestitam igračima na ozbiljnom pristupu meču. U pripremi utakmice tražili smo od njih da budu maksimalno fokusirani u odbrani, da znaju koga i na koji način da brane iz jako dobre ekipe Krke, koja je sastavljena od vrlo kvalitetnih igrača i odlično vođena od kolege Anzulovića. Iskreno, očekivao sam mnogo težu utakmicu. Mislim da su igrači zaslužni što nije bilo tako, jer su bili veoma odgovorni u odbrani. Iz dobre odbrane proistekao je i solidan napad. Ipak, za napad će malo trebati vremena, da sve legne, da se naviknemo na ovu, potpuno drugačiju rotaciju, bez dvojice do skoro ključnih igrača, Pulena i Vajtheda. Drago mi je da su neki igrači pokazali da su spremni da preuzmu odgovornost na sebe. To me raduje. Idemo utakmicu po utakmicu, neće nam biti nimalo lako, ali šta je tu je. Nadam se da ćemo biti u igri za plej of do kraja.”
Trener Krke Vladimir Anzulović:
“Čestitke ekipi Mornara i zahvalnost za stvarno lijepo gostoprimstvo. Pokušali smo otežati današnji dan Mornaru. Imali smo prije dva dana tešku utakmicu sa Olimpijom i naporan put do Bara. Dali smo sve od sebe i zato čestitke momcima. Uz ovakav procenat šuta, koji je i plod umora, zaista nismo imali šanse u Baru. Imali smo otvorene situacije u početku, ali nismo pogodili. U prvom poluvremenu smo šutirali tek 27 odsto, postotak smo uspjeli da dignemo na 30 u drugom poluvremenu. Mi smo takva ekipa: ako nam je procenat šuta tako nizak, mi, pogotovo u gostima nemamo šanse.”